កម្លាំងនគរបាលប៉ុស្តិ៍ព្រែកឯងឃាត់ខ្លួនជនសង្ស័យម្នាក់ពីបទលួចម៉ាស៊ីនកិនដីធ្វើឥដ្ឋ
19-August-2018 | ដោយ ពលមនសិការ
ភ្នំពេញ ៖ កម្លាំងនគរបាលប៉ុស្តិ៍ព្រែកឯងឃាត់ខ្លួនជនសង្ស័យម្នាក់ពីបទលួចម៉ាស៊ីនកិនដីធ្វើឥដ្ឋ នៅចំណុចសិប្បកម្មឡឥដ្ឋទុកចោល ផ្លូវថៃហ្គ័រ ភូមិរបោះអង្កាញ់១ សង្កាត់ព្រែកឯង ខណ្ឌច្បារអំពៅ នៅថ្ងៃទី១៨ ខែសីហា ឆ្នាំ២០១៨ម៉ោង១៣និង៣០នាទី។
លោកវរសេនីយ៍ទោ ម៉ៅ សឿត អធិការរងនគរបាលខណ្ឌច្បារអំពៅបានឲ្យដឹងថាជនរងគ្រោះឈ្មោះ រ៉ុង វណ្ណារ៉ា ភេទប្រុស អាយុ៤៤ឆ្នាំ ជនជាតិខ្មែរ មុខរបរ អ្នកយាមសិប្បកម្មឡឥដ្ឋ ស្នាក់នៅចំណុចកើតហេតុ (តំណាងម្ចាស់សិប្បកម្មឡឥដ្ឋ)។ ជនសង្ស័យឈ្មោះផន សុធា ភេទប្រុស អាយុ២៩ឆ្នាំ ជនជាតិខ្មែរ មុខរបរ កម្មករសំណង់ ស្នាក់នៅភូមិចំពុះក្អែក សង្កាត់ ព្រែកថ្មី ខណ្ឌច្បារអំពៅ។
លោកអធិការរងបន្តថា មុនពេលកើតហេតុ ជនសង្ស័យជិះម៉ូតូម៉ាកSuzuki Sogun ពណ៌ខ្មៅ ពាក់ស្លាកលេខ យ-៩៥៣៦ ក ណ១ ទៅចំណុចកើតហេតុខាងលើ រួចលួចដោះយកម៉ាស៊ីនកិនដីធ្វើឥដ្ឋនៅក្នុងសិប្បកម្មខាងលើ ពេលនោះក៏ត្រូវ ជនរងគ្រោះឃើញរាយការណ៍ប្រាប់សមត្ថកិច្ច ចុះទៅឃាត់ខ្លួនជនសង្ស័យ រួមនិងវត្ថុតាងបញ្ជូនមកទីស្នាក់ការប៉ុស្តិ៍ព្រែកឯងតែម្តង។
ជនរងគ្រោះបានឲ្យដឹងថាកន្លងមកសិប្បកម្មនេះធ្លាប់បាត់ម៉ាស៊ីនកិនដី ធ្វើឥដ្ឋចំនួន៥គ្រឿង ។ ជនសង្ស័យប្រើប្រាស់គ្រឿងញៀន១ឆ្នាំ។ បច្ចុប្បន្នជនសង្ស័យកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌច្បារអំពៅដើម្បីចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ3471
- ម្សិលមិញ16391
- សប្តាហ៍នេះ49701
- ខែនេះ164851
- ឆ្នាំនេះ164851
- សរុប20607307